Saurabh Netravalkar: 'कौसल्येचा राम...' सौरभ नेत्रावळकरने आजोबांच्या आठवणीत गायलं गाणं, क्रिकेटपटूचा VIDEO पाहिलात का?

Saurabh Netravalkar New Singning video : प्रोफेशनल आयुष्य आणि क्रिकेट यांचा ताळमेळ साधत सौरभ नेत्रावळकरने त्याच्या गायनाची आवड जपली. नुकताच त्याने आणखी एका मराठी गाजलेल्या गाण्याचा व्हिडिओ शेअर केला आहे.

मुंबई- T-२० २०२४ च्या विश्वचषकात इतर खेळाडूंबरोबरच सर्वात जास्त गाजलेलं आणि चर्चेत असलेलं नाव म्हणजे सौरभ नेत्रावळकर. सौरभ यूएसए टीमकडून सामना खेळला होता. यूएसए विरुद्ध पाकिस्तान सामन्यात पाकिस्तानच्या संघाला हरवून, टी-२० विश्वचषकातून बाहेर काढण्यासाठी सौरभचा मोलाचा वाटा ठरला. भारतीय संघासमोरसुद्धा सौरभ हिरिरीने खेळला असून विराट कोहलीची सुद्धा विकेट काढून त्याने स्वतःला सिद्ध केलं. सौरभच्या खेळाचं कौतुक होत असताना त्याच्या प्रोफेशनल आयुष्याबद्दलसुद्धा अनेक गोष्टी समोर आल्या होत्या. सौरभ हा एक इंजिनिअर असून अमेरिकेत ओरॅकल या कंपनीमध्ये तो काम करतो. हार्दिकचा एक चेंडू भारतासाठी ठरला टर्निंग पॉईंट; सूर्यकुमार यादवच्या एका कॅचने अख्खी मॅच फिरवली प्रोफेशनल आयुष्य, क्रिकेट यांचा तंतोतंत ताळमेळ साधून सौरभची अजून एक बाजू समोर आली. सौरभला गायनाचीसुद्धा प्रचंड आवड आहे. तो इन्स्टाग्राम अकाउंटवर त्याच्या गायनाचे व्हिडिओ शेअर करत असतो. सौरभचं गायनकौशल्य बघून त्याच्याबद्दलचा आदर आणखीन वाढला गेला. येथे आवर्जून नमूद करावी अशी गोष्ट म्हणजे सौरभ सर्व मराठी गाणी गातो. त्यामुळे स्वतःच्या या कौशल्याने सौरभने सर्वांना आपलंसं केलं आहे. सौरभने काही महिन्यांपूर्वी 'मन उधाण वाऱ्याचे', 'केशवा माधवा', 'राधा ही बावरी' यांसारखी अनेक मराठी गाजलेली आणि हृदयाला भिडणारी गाणी त्याने गायली असून ती इन्स्टाग्रामवर शेअर केली आहेत. नुकतंच सौरभने 'कौसल्येचा राम' हे प्रभू श्री रामांचं गाजलेलं गाणं युकलेले वाजवत शेअर केलं आहे. View this post on Instagram A post shared by Saurabh Netravalkar (@saurabh_netra) हे गाणं सौरभने त्याच्या आजोबांच्या आठवणीत गायलं आहे. त्याबद्दल कॅप्शन त्याने व्हिडिओ शेअर करत लिहिलं आहे की, 'संध्याकाळच्या वेळी सहज मला माझ्या आजोबांची आठवण आली (आम्ही त्यांना आबा म्हणायचो) त्यांच्या आवडत्या गाण्यांपैकी एक गाणं जे ते आमच्यासाठी नेहमीच गुणगुणत असत! ते हृदयस्पर्शी आणि भावपूर्ण असं गाणं म्हणजे 'कौसल्येचा राम बाई'.' Shubhankar Tawde: फ्रेशर्स मधला सम्राट पडला प्रेमात! सुनील तावडेंच्या घरी वाजणार सनई चौघडे, होणारी सून आहे लोकप्रिय... सर्व चाहत्यांनी सौरभच्या या व्हिडिओवर 'खूप सुंदर', 'क्लीन बोल्ड', 'टॅलेंटेड मॅन' अशा कमेंट्स करत त्याचं कौतुक करत आहेत. जेव्हापासून सौरभच्या गाण्यांचे व्हिडिओ सोशल मीडियावर व्हायरल झालेत तेव्हापासून त्याच्या इन्स्टाग्राम फॉलोअर्समध्ये अधिक पटीने वाढ झाली आहे.